Aizawl : Inrinni khan Mizopram hmun hrang hrangah mi tlawmngai 284-in a mamawhtute tan a thlawnin thisen an pe.
Civil Hospital, Aizawl-in a tula a hman turin TKP, Zotlang bial, Aizawlin unit 111 an pe a, thisen petu mipa 83 leh hmeichhia 28 an ni.
Seventhday Adventist thalai pawl Adventist Youth Federation-in Civil Hospital, Aizawl-in a tula a hman turin unit 44 an pe a, thisen petu mipa 43 leh hmeichhia 1 an ni.
Inrinni vek khan Civil Hospital, Aizawl-in a tula a hman turin Mizoram UPC – General PYD-in unit 30 an pe a, thisen petu mipa 26 leh hmeichhia 4 an ni. Hemi ni vek hian Civil Hospital, Aizawl-in a tula a hman atan mimal tlawmngai thisen pe 3 an awm bawk.
TKP, Mission Vengthlang bial, Aizawl pawhin Inrinni vek khan Synod Hospital, Durtlang-in a tula a hman turin unit 51 an pe a, thisen petu mipa 36 leh hmeichhia 15 an ni.
Mampui khuaa TKP, LIKBK thalai pawl leh PYD ten Inrinni vek khan Lawngtlai District Hospital-in a tula a hman turin thisen unit 45 an pe a. TKP-in unit 24 pein, LIKBK thalai pawlin unit 19 leh PYD-in unit 1 an pe a ni.