GIG Motors Mens’ Independence Day Tournament 2023 inkhelah Inrinni khan Chhinga Veng FC in 5-4 in Mizoram Police an hneh a. Group B ah hmahruaitu an ni mek.
Rajiv Gandhi Stadium a inkhelah hian Chhinga Veng in Isaak Malsawmkima, Johny Lalremruata leh Suanngaihmuana hmangin first half-ah goal an khung a. Police in Lalbiakhlua goal hnih leh Lalfakzuala goal khung hmangin chawlhlawk hma leh hnuah chhanglet mahse MS Dawngliana’n second half-ah Chhinga Veng tan goal hnih a khung a, hnehna an chang.
Inkhel dangah Chawnpui FC in huntawp dawna Peter Lalrinhlua goal khung hmangin Project Veng FC an hneh a. Hnehna an chan vawikhatna niin Police nen point thum ve ve an hmu mek.