UFC bantamweight Cory Sandhagen chuan minute 25 chhungin a khingpui hneh takin chhuatah a thunun a. A zawna vawi thum a chakna turin Ron Font a hneh.
Nashville-ah Pathianni zingah UFC Fight Night neih a ni a. Bantamweight rankings a number 4 ni lai Sandhagen hian a khingpui lakah hian round nga chhungin minute 19 lai a khingpui hi a thunun bet thei.
140 pound catchweight bout a judge ten 50-45 vekin an chak tir.
Chak mahse chhuata inchai a tam avangin entu mipui hmaah Sandhagen chuan thupha a chawi a, “Fighter hmuhnawm ka ni thin, mahse kiu hliam avangin tunhnaiah ka buai a, round hmasa berah khan ka ban ka ti na bawk. Chuvangin wrestling ka hman a ngai a ni.” tiin a sawi.
Sandhagen hian tunhnaiah Song Yadong leh Marlon Vera te a hneh bawk avangin title chuh thei tur zingah a hming sawirik a ni tel ve leh tawh.