Khawvelpumah album copy maktaduai 300 chuang tiral tawhin, rimawi khawvlela artist hralh tla leh kal ber zingah a langsar fal hle
UK Singles chart leh US Bill board Hot 100-ah Top 4-a lang pha ngat hla 50 chuang nei tawh in, Top 1 bikah UK (7) leh US (9) a nei. US charts-ah phei chuan a zawn zatin number one album ni thei pasarih ngawt a nei a ni
Tribute single, ‘Candle in the Wind’ (1997), Diana, Princess of Wales tana a ziah phei chu khawvelpumah copy mtd. 33 chuan a hralh a, UK leh US singles charts chanchina single hralh kal leh chak ber record a siam zui bawk. A pui mep mep hle
Elton hian Grammy awards panga, Brit Awards panga, Academy Awards pahnih, Golden Globes pahnih, Tony Award, Disney Legends Award leh Kennedy Center Honor hmang-in ropui taka chawimawi a ni tawh bawk
Kum 2004 khan Rolling Stone-in ‘100 influential musicians of the rock and roll era’ list 100 a tih-chhuahah 49-naah a awm. Billboard pawhin 2013 khan Billboard Hot 100-a mipa solo artist hlawhtling berah a puang. Top All-time bikah erawh pathumna niin, Beatles leh Madonna chiah a pha lo a ni
Songwriters Hall of Fame, 1992 ah sengluh niin, 1994 khan Rock and Roll Hall of Fame-ah lakluh a ni a. British Academy of Songwriters, Composers leh Authors-ah an dah pawimawh
Queen Elizabeth II-i’n 1998 khan rimawi leh charity lama a hnathawh leh rawngbawlna chu ropui leh hriatreng tawh tur a ni tih hriain, Knighthood a pe. A hming hmalamah ‘Sir’ dahin, Sir Elton John tia koh a ngai ta. Nupui nei ta ang se, a nupui hming hmâah hian ‘Lady’ tih dah a ni ang.