Spanish football thuneitu Royal Spanish Football Federation president Luis Rubiales chu FIFA Women’s World Cup final zawha a chetdan avangin a bang dawn nia sawi a nih hnuah Zirtawpni khan a ban loh tur thu a sawi.
Rubiales chuan a chetdan demna chu amah beihna nia a ngaih thu sawiin a ban loh tur thu hi minute 30 dawn thu a sawinaah a ti chiang.
Hetihlai hian Rubiales chetdan demtu hi an pung zel a, Spanish football player-te tawng chhuakin an ram sorkar pawh a inrawlh dawn.
Spanish secretary of sport chuan Rubiales chungthu hi ngaihtuah a ni dawn a, hemi chungchanga hma lak a nihlai hian he hun hi Spanish football a hmeichhiate chunga chet mawi lohna thleng thinte haichhuahna hun nise a duh thu a sawi bawk.