Nigeria lawng chesualah mi 130 chuang thi

Nigeria-a mihring phur lawng bunga pil zui taah a chuang mi 130 chuang an chin hriat lohvin an awm mek tih thuneituten an sawi.

Lawnga chuang tam zawk hi hmeichhia leh naupang niin Niger atanga Nigeria hmarthlang lama Kebbi state pan an ni.

Thil thleng hmutute chuan lawngah hian mi 160 chuang an chuang a, mi 22 chauh dama chhanchhuah an la ni tih an sawi.

Tual chhung thuneitute chuan tui lut thiam leh rikrum thila thawkten mi dangte hi chhan chhuah tumin an bei mek tih BBC hnenah an sawi a; mahse, dama chhanchhuah theih an tam an beisei tawh lo.

“Chhanchhuah hna thawh mek ni mah se mi 22 chauh dama lak chhuah an ni a, ruang pakhat hmuh a ni tawh bawk,” tiin Ngaski district-a hotu, Abdullahi Buhari Wara chuan AFP news agency hnenah a sawi.

“Lawnga chuang mi 140 vel an chin kan la hre lo a ni,” a ti.

Chetsualna thlen chhan ber hi a chuang an tam lutuk vangah a puh a, lawng hi mi 80 aia tam chuan lohna tura duan a nih thu a sawi.

Mihring an chuan teuh bakah hian rangkachak laih chhuahna khur atangin lei thun khah ip tam tak a phur bawk niin a sawi.

Leave a Reply

error: Content is protected !!