Barcelona in Villarreal lakah ‘comeback’ hnehna an chang a. 4-3 in goal luh hnemna inkhelah an chak.
El Madrigal-ah hian La Liga champion lai hian first half-ah goal hnihin hma an hruai hman a. Gavi leh Frenkie de Jong te chuan minute 12-na leh 15-naah goal an khung.
Mahse Villarreal in first half-ah vêk an chhanglet a. Juan Foyth leh Alexander Sorloth ten goal khungin an si phurh an sut.
Second half tan hnu lawkah Alex Baena chuan goal a khung a, Yellow Submarines in hma an hruai.
Barca substitute Ferran Torres chuan minute 68-naha an si phruh a sut a, minute thum hnuah Robert Lewandowski chuan an chakna goal ni tur a khung zui bawk.
Barca boss Xavi Hernandez chuan, “Inkhel danglam tak a ni a, kan thiam loh a nihna lai pawh a awm. 2-0 a nihlaiin kan chungnung viau a, Villarreal khan bul tan tha zawk mahse inkhel dahtha hmak thei dinhmunah kan ding.”
“An goal hmasa ber kha kan tihsual a ni a, goal hnihna pawh kha kan veng thei a ni.” tiin hmasawn an ngaih thu a sawi.