Fulham chuan Leicester City atangin Belgium full-back Timothy Castagne chu kum li chhung atan an lalut.
Kum 27 mi hian King Power Stadium-ah season thum a hman hnuin a chhuahsan a, Fulham hian an lakluhna man zat puangzar lo mahse Pound maktaduai 15 vel an seng nia ngaih a ni.
Cottagers hnenah hian kum 2027 thleng contract ziakin kum khat ziah belh theihna a awm.
“Tun nipui bazar inhawn chhungin thil tam tak a thleng a, a lo ngaichangtu lam tan chuan a rei duh hle. Hei vang hian ka hma hun kan ti fel thei hi thil hahdamthlak tak a ni. Manager nen kan inbe tawh a, training neih a inkhelh theih hun ka nghakhlel tawh hle.” tiin a sawi.
Belgium defender hian Leicester City tana a khelh chhungin vawi 112 a inkhel hman a, season liamta khan vawi 37 inkhel mahse Premier League-ah a inhamtan pui thei lo.