Sports Minister Rob- ert Romawia Roy- te-in nimin khan SAI Training Centre, Mission Vengthlang, Aizawlah National Sports Day a hmanpui a, Ma- jor Dhyan Chand Best Athlete Award a sem.
Sports Minister ch- uan infiammi kalkhaw- mte chu National Spo- rts Day chibai bukin, Covid hripui avanga India ram chhung state dang zawng zawng aiin Mizoram chu inkhar- khip rei bikin, chuti chung chuan tunhnaia Mizo infiammi ten International Medal 166 leh National Medals 388, Regional Medals 296, a vaiin Medals 850 lai an hlawhchhuak chu ropui a tih thu a sawi a. Asian Games awm tawh tam takah Mizote tel pha ve thin lo mahse, kumin Asian Games lo awm turah erawh chuan Mi- zo thalai infiammi an tel tur thu sawiin, lawmawm a tih thu a sawi.
Sports infrastructu- re siam kawngah pawh Mizoram sorkarin nasa takin hma a lak thu Sports Minister chuan a sawi a. Hei hian me- dals mai ni lo, hriselna leh zirna kawngah pawh nasa takin hmasawnna a thlen mek nia sawiin, school hrang hrangte chu mumal taka sports kalpui turin a chah a. Infiammite chu theihtawp chhuah tura chahin ruihhlo laka inthiarfihlim reng turin a chah bawk.
Sports Minister ch- uan International Bo- xer pahnih – Zorammuana leh Rudy Lalhmingmuani te hnenah Major Dhyan Chand Best Athletes Award a hlan a ni.
Sorkar thuchhuahin a tarlan danin Asiam Games-ah Mizo thalai pathum – Lalremsiami, Hockey; Lalchungnu- nga, Football leh Lal- engmawia Ralte, Football te tel tura tihchian tawh niin, mi pathum dang – Vanlalthlamua- npuia, Taekwondo, Hmangaihsangpuia, Karate leh Lalhum- himi, Judo te buaipui mek a ni bawk.