Everton in Portuguese striker Beto chu Italian club Udinese atangin Pound maktaduai 30 velin an lalut.
Kum 25 mi hian Goodison Park-ah kum li contract a ziak a, tun nipui a player an lakluh pangana a ni.
Feet 6 leh inches li a sang Beto hian season liamta khan Udinese tan goal 10 a khung a, tun season a goal la khung lo Everton tlarhmaah goal khungtu mawhphurhna a la ang.
Toffees nen hian January thla khan sawizawm an ni tawh a, Beto chuan, “Everton han zawm chiah chu thil nuam tak a ni. Premier League a club lian an ni a, club zahawm, chanchin ropui tak nei an ni. Hei vang hian anni pan hi ka tan thutlukna harsa a ni lo.” tiin a sawi.
“Ka ngaihsan Samuel Eto’o pawh hetah hian a lo inkhel tawh thin a, January leh nipui a ngaihventu che club chuan an duh tak tak che tih a chiang.” a ti bawk.
Lisbon a piang striker hian Udinese tan match 65 atangin goal 22 a khung tawh.