- Ruata
Hman atanga thawm nei tawh, Karizma XMR chu tlangzarh a ni ta a. Karizma tharah hian kentel hrang hrang bakah a nihphung hrim hrim chi a changkang tawh a, a hmaa Karizma chhuak nena khaikhin pawhin danglamna tam tak a awm a ni. Karizma XMR hi Rs. 1,72,900 (ex-showroom) man atangin a intan dawn.
Karizma XMR chhuak thar hian khawl thar hlak chak zawk a neih bakah a nghahchhan, platform te pawh a danglam tawh a. An tlangzarh ta tih hi chu tlang hriat a ni tawh a. Tun tumah chuan Karizma lo chhuak tawh thin, Karizma R nen kan khaikhin dawn a ni.
- Hero Karizma history tawi
Hero Karizma hi kum 2007 khan Hero Honda Karizma angin a chhuak tan a. Kum 2011 khan a landan tlem azawng an thlak chho a, hei bakah hian kum 2009 khan fully faired Karizma ZMR a chhuak leh ta bawk a, hetah hian fuel injection technology a hmang a ni. Kum 2014-ah generation change tam tak nen a thar a chhuak leh bawk a, hetah hian design leh kentelah pawh an update nual a ni.
Karizma bike hi Mizoramah pawh a larin lei a hlawh hle mai a. Mizoram leh India rama hmingthang sa tak bike, a chhuak thar a lo awm hi a lawmawm hle mai a, Karizma bike lo ngaina sa tan phei chuan thu lawmawm tak a ni awm e.
- A khawl
Karizma XMR 210 hian 210cc, single-cylinder, liquid-cooled khawl hmangin hei hi 6-speed gearbox nen thlunzawm a ni a. He khawl hian 24.1bhp power leh 18.7Nm torque a pechhuak thei a, hei hian DOHC configuration neiin 4 valve technology a hmang bawk a ni. A hmaa Karizma R kan hmuh thin kha chu 223cc, air-cooled, 4-stroke khawl niin hei hian 17.2bhp power chu 7,000rpm-ah a pechhuak thei a, 18.33Nm torque chu 6,000rpm-ah a pechhuak thei bawk a ni. Karizma hlui hian 0 to 60kmph chu second 5 chhungin a tlan hman a, 100kmph chu second 15 second hmain a thleng hman bawk a. 5-speed gearbox a nei a ni.
2023 Karizma XMR 210 hian USD (upside-down) fork hmang loin conventional telescopic fork a hmang thung a, a hnungah hian monoshock a hmang thung a ni. A hnung leh hmaah petal disc brake hmangin Anti-Lock Braking System (ABS) chu dual channel a awm bawk a ni. Hero Karizma R hluiah ve thung kha chuan single downtube frame awmin telescopic fork leh preload-adjustable twin shock absorbers a hmang bawk a. 2.75/18 front tyre leh 100-90/18 rear tyre a hmang a, a hmalamah 276mm disc leh 130mm rear drum a hmang bawk a ni.
- Design leh kentel
2023 Hero Karizma XMR 210 hi Karizma R design nena khaikhin chuan inang lo tak a ni a. A thar hi chu sports bike raih mai a, Karizma R erawh kha chuan touring design lam a pawl a. A fairing te leh a nihphung hrim hrimah hian nasa takin a danglam a tih loh theih loh ang.
Ketel lamah chuan adjustable windscreen neiin a visor hi 30mm in a adjust theih a. Fast-charge USB port, all-digital LCD instrument console with turn-by-turn navigation, leh incoming call, SMS alert, vehicle battery status, range, gear position indicator, shift advisory, ambient light sensor, gear shift & low fuel indicator, trip meter leh thildang hriat theihna bluetooth connectivity te a nei bawk a ni. Karizma XMR hian LED projector headlamp with integrated LED DRL, auto illumination feature awm tel a nei bawk a, hetah hian LED tail light, backlit switchgear leh hazard switch te a tel a ni. Karizma R thungah chuan heng feature tam zawk hi a awm ve lo a, changkanna lamah chuan inthlau tak a nih a tih loh theih loh a ni.