Manchester United defender Raphael Varane chu Nottingham Forest nen an inkhelh tuma a inhliam avangin kar engemaw zat chhung a chawl dawn.
Kum 30 mi Varance hi Inrinni zana inkhelah halftime a lakchhuah a ni a. Club lamin thla khat chuang a chawl dawn nia an sawi chu thubelhchian dawl lo tiin September thla tawp lamah erawh a inkhelh leh theih tawh an beisei.
Varane inhliam avang hian Harry Maguire chuan sawi a hlawh zual a. United captain hlui hi a club lamin chhuahtir duh mahse club-ah a la awm a. Ani telin centre-half tawnhriat nei ngah pathum bak first team-ah chhawr tur an neih loh mek avangin club lamin an chhuahtir dawn rih lo ni ten an sawi bawk.
United hian season tan chauh mahse player inhliam an ngah a. Mason Mount leh Luke Shaw te hun engemaw chen an la chawl dawn a. Season tan hma in Tyrell Malacia, Amad Diallo leh Kobbie Mainoo te an inhliam a, striker thar Rasmus Hojlund erawhin training pangngai a zawm tawh.