Aizawl : Upper Sakawrdaia Comprehensive school building sak thar chu nimin khan School Education Minister Lalchhanda- ma Ralte-in a hawng.
School Education Minister chuan Upper Sakawrdaiah hmasa- wnna thar Comprehensive School hawn theih a ni ta, tiin, lawmawm a tih thu a sawi a. Mamawhtute mamawh phuhrukna hmuh tur a awm chu hlimawm a tih thu sawiin, a building ropui leh ropui loh lam ni lovin a hmun tur zawng chawpa kha- wtlang mamawh lian tak phuhruk a chu ropui a tih thu a sawi.
Lalchhandama Ralte chuan “Naupan- gte zirna sikul hawn thar a nih tak avangin helai hmuna chhung- kaw chengte pawh an pun zel a beiseiawm” a ti a. “He khua kal zel tur atan hian mel lung pawimawh tak a tling a ni” a ti.
Upper Sakawrdai khawchunga la awm te insawn nan Pathianpa lo kawnah ram lei fel a nih thu leh a awm hmasa apiangte sakna tur a nih thu Minister chuan a sawi a. Zirtirtute chu hmathlir neia kal turin a chah a, khawtlang pawhin an chenna tur lo ngaihtuahpui a tul thu a sawi a, Anganwadi sakna tur pawh ruahman nghal a tul thu a sawi. He zirna in hi khawtlang leh Zoram tana mi chhuanawm chher chhuahna ni se, tlangdung barakhaih thei tur naupang chher chhuah- na ni se a duh thu a sawi.
Lalchhandama Ralte chuan Sakawrdai CHC-a Free clinic buatsaihah Sakawrdai leh a chhehvel mipui mi sangkhat vel zet an inentir thu leh mahni thawhna tlansana Aiz- awl atanga Doctor rual inpete chunga a lawm thu a sawi a. Doctor ten an clinic a sum tam tak hmuh tur tlansana tlawmngaia Sakawrdai an pan thei chu ropui a tih thu a sawi bawk.
Pathian pa lo kawn Upper Sakawrdai hi khaw hmun thar a ni a, Upper Sakawrdai kh- aw chunga mite insawn nana ruahman a ni. School hawn tharah hian class I-VIII an awm a, teacher 5 an awm. School hawnnaah hian Minister hi Sinlung Hills Council Executive Member C.Lalnuntlanga, H. La- lengzauva leh member thenkhat ten an tawiawm a, khawtlang hruaitute leh zirtirtute an kalkhawm a ni.