Zirlaite pual, ni hnih awh tur Hnam lama inelna chu nimin khan Tourism Deptt. Director Saitluanga’n Van- apa Hall-ah a hawng.
Mizo Cultural Organisation, school Education Deptt., Tou- rism Deptt. leh Mizoram State Sports Council te tangtlangin an buatsaih zirlaite hnam lama inelna hi – middle school, high/higher secondary school leh college/university te a hrang theuhin an inel a. Nimin khan middle school zirlaite chu Chawnglaizawn hmanga inelin, vawiinah Cheraw hmangin an inel leh ang.
High/higher secondary school te chu niminah Cheraw kanin an inel a, vawiinah Sarlamkai hmangin an inel ve leh thung ang. College/university te pawh niminah Cheraw kana inelin, vawiinah Chheih lam hmangin an inel ve leh thung dawn a ni.
Vawiina inelna zawhfel a nih hnu ah result puangin lawmman an sem zui nghal ang a. School Education Minister Lalchhandama Ralte leh Mizo Cultural Organisation Gen. Hqrs., President, Minister of State ni bawk Robert Romawia Royte ten an telpui ang.
Middle school, high/higher secondary school leh college/university huangah te a hran theuhin hetiang hian lawmman ruahman a ni :
1-na Trophy, certificate leh Rs. 50,000 bakah Thenzawl Golf Course tlawh
2-na Trophy, certificate leh Rs. 30,000
3-na Trophy, certificate leh Rs. 20,000
(Top 5-a lang pahnih te tan Rs. 5,000 ve ve ruahman a ni bawk)