BTS puipa ber RM chuan tunhnaia Frank Ocean hla, ‘Bad Religion’ (2012) hla thu a dah chhuah chungchanga inhnialna leh ngaihdam dil tura nawrna namen lo karah ngaihdam a dil dawn lo, a ti.
Thla hmasa tir lam khkan RM hian Instagram story post-ah mi tam takin Islam sakhua huatna leh Muslim huatna lam hawi ni awm taka an sawi thin ‘Bad Religion’ hla thu thenkhat a dahchhuak a, hetah hian Arabic tawngkam lar tak, ‘Allahu Akbar’ tih te pawh a tel nghe nghe.
Hei hian nasa takin thu inchuhna a thlen a, social media lamah thu khel langsar pawl tak ni chhovin, RM hian ngaihdam a dil tur a ni, tih chu an auhla langsar ber a ni.
Hettih lai hian Weverse kaltlangin nimin khan RM chuan, “Engnge in sawi ka hre vek a, sakhua hmusitah min puh a nih kha.. Mahse, a ni reng reng lo. Sakhua hmuhsit tumna pakhatmah a awm lova, sakhua zawng zawng leh mi rinna (belief) ka zah em em ve.
Instagram-ah engnge thleng ka hrai a, chutih rualin he ka thinlung chhungril atang hian one percent te pawh ni se, sakhua hmuhsitna leh elsen tumna reng reng a awm lo,” a ti.
RM chuan he thu inchuhna leh inhnial vut vutna chungchangah ngaihdam a dil loh tur thu chiang takin a sawi a, a ngaihdan leh a rilru-a awm pholanna leh tarlanna mai a nih thu a tuihnih zui bawk a ni.