Kum hnih chuang tennis a chawlhsan hnuah fa pahnih nei tawh chungin a lo kir leh a, hei vang hian world number one hlui Caroline Wozniacki-i’n ngaihven a hlawh. A ‘comeback’ thawnthu ngaihnawm ni thei tur chu la kaltluangin seeded number 11 Petra Kvitova hnehin third round a lut.
Kum 33 mi Danish star Wozniacki hian Nilaini zana inkhelah 7-5 7-6 (7-5) in hnehna a chang.
“Arthur Ashe Stadium a zan inkhelah world number 11 han hneh theih hi thil danglam tak a ni. Kum thum kalta khan hetiang inbeiseina hi ka nei miah lo.” tiin Wozniacki chuan a sawi.
Inkhel dangah Iga Swiatek leh Coco Gauff te an chak awlsam hle.