Serlui bialtu MLA Lalrinsanga Ralte chuan a bial chhunga zirna inten hma a sawn theihna atan theihtawp a chhuah thu leh zirtirtu indaih lohna awm thinte pawh tihkiam zel a nih thu a sawi.
He thu hi nimina Saiphai PMS English High School a tlawhnaah a sawi a, Serlui bial chhunga zirna in te pawh a theih chin chin ah siam that a, sak that zel thute, a bial chhung zirna in atanga HSLC leh HSSLC distinction-a pass-te chu kum tin laptop a pek thin thute a sawi a. PMS English High School hnenah hian water cooler a pe nghal a ni.
Serlui MLA Rsa hian Saiphai Community Hall sak mek tlawh a, an hnathawh mekte a enpui bakah MNF Election Campaign Office a hawng bawk a, MNF zawm thar mi 57 a lawm lut bawk a ni.