MPCC Executive Committee Meeting nimina neihah tun hnaia an party zawm thar, Mizoram chief secretary hlui, Lalnunmawia Chuaungo chu Senior Vice President atan an ruat thar.
Nimin khan Lal Thanhawla Auditorium-ah MPCC Executive Committee Meeting an thukhawm a. MPCC President Lalsawta kaihhruai thutkhawmah hian MPCC Office Bearers (OB) siam thain, Senior Vice President-ah Vice President ni lai, Lal Thanzara, Zarkawt leh Vice President atan Lalnunmawia Chuaungo chu an pawm.
MPCC chuan thuchhuah siamin, “Hruaitu tha leh rintlak, Congress party leh Mizoram hruaitu tur Pathianin Congress party min pek avangin lawmthu kan sawi. Mizoram mipuite tan kan ram, kan hnam leh kan sakhua humhim tura min thawhpui turin Congress party chuan duhsakna a hlan nghal,” an ti.