Aizawl : Hman khat daih sarang/polythene (single use plastic) tihrem tuma UD&PA Deptt. leh Mizoram Taxi Association (MTA) te thawhho- na hnuaiah nimin khan hnatlang koh a ni a, Dy. Chief Minister, UD&PA Deptt. changtu ni bawk Tawnluia’n Bethlehem Vengthlang Taxi Stand-ah hnatlang hi a hawng.
Tawnluia chuan mi- pui pung zelah bawlhhlawh a pun ve zel thu leh a sawngbawl ka- wnga tanlak a tul thu sawiin, hetiang lam hawi hnatlang runpui UD&PA department leh Mizoram Taxi Association tangkawp ten an buatsaih thei chu lawmawm a tih thu a sawi.
Hnatlangah hi Aizawla Taxi stand 78 te bakah MTA Sub-Hqrs 6 (Lunglei, Kolasib, Serchhip, Mamit, Lawngtlai, Khawzawl) leh branch 3 (Kawnpui, Lengpui, Thenzawl) ten an huamchhungah theuh an zawm bawk a. Lirthei atanga bawlhhlawh paih chhuak lo tura inzirtirna Garbage Free Mizoram sticker bel hna te, hman khat daih sarang hmang lo tura inzirtirna banner tar te leh Taxi stand thianfai te in an hnatlang a ni.