Zote Toyota Mizoram Premier League round 2-na khelh zawh a ni a. Mizoram Police leh Chanmari FC ten an khingpui hneh ve ve in 100% a league season bul an tan chu an chhunzawm.
Rajiv Gandhi Stadium-ah Police in Electric Veng FC an hmachhawn a. Player tawnhriat nei tha kawl tam team in team naupang sengsawng tak an hmachhawn.
Police hian first half-ah goal thum an khung a, second half-ah Electric Veng in goal khat khung mahse team pahnihte an inthlau.
F. Lalnuntluanga’n an goal hmahruai minute 17-naah a khung a, Malsawmfela leh Lalfakzuala ten minute hnih chhungin halftime hma deuhin an khung belh.
Second half-ah Electric Veng tan hian Lalhriatpuia chuan goal khat a khung.
Police hi an match hmasa berah Chhinga Veng FC lakah chak a puan an ni a, point ruk an hmu tawh.
Inkhel hnuhnung zawkah Chanmari FC in Project Veng FC an hmachhawn a, 1-0 in an chak.
Kolasib team hi kaithar an ni a, MPL team hlun zawkte lakah an hmabak a ko tura ngaih a ni. Chutihrualin an tangrual a, an inbuatsaihna a tha. Hei hi Chanmari lakah pawh a lang a, an inkhel tawk hle.
First half minute 30-naah Vincent Lalduhawma’n Chanmari tan goal a khung a, hei hi hnehna chan nan a tawk.
Chanmari hian Thawhtanni hian Chhinga Veng FC an hmachhawn leh ang.