Aizawl : Inrinni khan pawl hrang hangin Damdawi in hrang hrangin a tula an hman turin thisen unit 346 an pe.
TKP, Republic Ve- ngthlang bial-in Civil Hospital, Aizawl-in a tula a hman turin unit 107 an pe a, thisen petu mipa 81 leh hmeichhia 26 an ni.
Mizoram Gorkha Youth Association (MGYA) pawhin ZMC, Falkawn-in a tula a hman turin thisen unit 81 an pe a, thisen petu mipa 73 leh hmeichhia 8 an ni.
KTP, Chawnpui Vengthlang branch, Aizawlin Inrinni vek khan Synod Hospital, Durtlang-in a tula a hman turin thisen unit 23 an pe a, thisen petu mipa 20 leh hmeichhia 3 an ni.
Lairam Isua Krista Baptist Kohhran (LI- KBK) thalai pawl, Pa- ithar bial-in Lawngtlai District Hospital-in a tula a hman turin unit 40 an pe a, thisen petu mipa 35 leh hmeichhia 5 an ni.
Evangelical Church of Maraland (ECM) KTP, New Colony bial-in Siaha District Hospital-in a tula a hman turin unit 21 an pe a, thisen petu mipa 15 leh hmeichhia 6 an ni.
PYD (NEI), Kolasib-in Kolasib District Hospital-in a tula a hman turin unit 43 an pe a, thisen petu mipa 36 leh hmeichhia 7 an ni.
KTP, Serchhip Ve- ngchung bial-in Serchhip District Hospital-in a tula a hman atan unit 19 an pe a, thisen petu mipa 15 leh hmeichhe 4 an ni.
PYD (Mizoram), Lunglei pawhin Inrinni vek khan Lunglei Civil Hospital-in a tula a hman turin unit 12 an pe a, thisen petu mipa 11 leh hmeichhia 1 an ni.