Pukpui, Lungleia darkar 24 chhunga Jumbo Oxygen bur 96 thun theihna Oxygen Plant (filling station) chu Inrinni khan Hea- lth Minister Dr. R. Lal- thangliana’n a hawng.
Health Minister chun chuan Lungleiah Mizorama hmasaber atan Oxygen plan (filling station) North East Special Infrastructure Development Scheme (NESIDS) hnuaia Rs. nuai 270. 27 hmanga siam hawn theih a ni ta chu lawmawm a tih thu a sawi a. Mizoram sorkara Health department a Jumbo Cylinder sei chi Oxygen bur ruak Silchar-a thun ngai tawh lova Lungleia thun theih a ni tur chu lawmawm a tih thu a sawi.
He oxygen plant hi Lunglei bakah chhimlam district tan a tang- kai hle dawn tih Health Minister chuan a sawi a. Pawl bik awm lova a mamawh te tana siam a nih thu sawi.
Health system a that loh chuan ram a thang thei dawn lo nia sawiin, Health Minister chuan Covid hri lengin harsatna a thlen chung pawha hmasawnna hmuh theiha awm chu ropui a tih thu leh oxygen plant chu Covid hri lengin a hrinchhuah niin a sawi.
R Lalthangliana chuan “Sum leh pai ngah mah ila kan hrisel loh chuan awmzia a nei lo” tiin, “khawvelah damna leh hriselna a pawimawh bera, doctor leh nurse te tawngkam hnih/khat lek pawhin damlo a tidam thei” a ti a. Lunglei Civil Hospital pawh tihchangtlun mek a nih thu leh ICU bakah naupang ICU te siam a hih thu te, damlo te tana thil hrang hrang test na Truma Centre pawh hman theih a nih tawh thu te a sawi bawk.
Director Hospital & Medical Education Dr. Lalmalsawmi’n a sawi danin Oxygen Plant (Filling Station) for Southern Mizoram chu North East Special Infrastructure Development Scheme (Ministry of DoNER) Pro- ject sum Rs. nuai 270.27 senga siam a ni a, he hna hi VIDU- REPL Agency, Guwahati ten an thawk a ni.
Inrinni vek khan Zonal Geology and Mining Office Lunglei chu Commerce & Industries Minister ni ba- wk Dr. R. Lalthang- liana chuan a hawng a. Sorkarin Geology and mining Dept chu a ngaihpawimawh thu sawiin, Lunglei bik atan pawh thawktu post 10 chuang siam nghal a nih thu a sawi.
Minister chuan Geology and Mining chu De- ptt. lian ni lo mahse, an pawimawh thu sawiin, an sum lakluh pawh awihawmloh khawpa sang a ni thin niin a sawi a. Kum 2/1 chhungin vbc 12 chuang an thawk chh- uak nia sawiin, “Zonal office a din hian sum thawh chhuah kaw- ngah nasa zawka hma an sawn a beiseiawm” a ti bawk.