Aizawl : MNF thalai, Aizawl East-II block-in Inrinni khan political training an buatsaih a, AMC Executive Corporator B. Lalawmpuii’n a telpui.
B. Lalawmpuii chuan kumin MLA inthlanna tura Aizawl East II bialtu Robert Romawia Royte dinna tur Hachhek biala chhung te emaw thian te emaw nei chuan theihtawp chhuah turin MNF thalaite chu a chah a. Social media hmang tangkai tura chahin, theihtawpa tan la turin a chah.
ZPM party ten hniam lam an pan zel nia sawiin B Lalawmpuii chuan ZPM chu sorkar turin an inring zo lo niin a sawi a. MNF party lo chu sorkar leh tur an awm chuang lo niin a sawi.
B Lalawmpuii chuan “Aizawl East II mipui, Pathian leh kan hotute zarah he bial vil turin min ti a. Mipui te raw- ngbawla, bialtu MLA Robert Romawia Royte hmalakna hrang hrang chhunzawm zel turin ka inpeih a ni” a ti bawk.
MNF Aizawl East-II block President H. Lalrinawma’n “Thalaite khawvel a nih angin, thalai ten party tan theihtawp i chhuah ang u” a ti a. Block Vice President TC. Thanzuala’n “thalaite hi kan awmna unit theuh nawrtuah tang ila, dawih aw kan chhuah thiang lo” a ti bawk.