Manchester City chuan Norway striker Erling Haaland chu an hnena kum 2027 pela contract thar a ziak dawn a nih chuan kar khatah Pound 600,000 hlawh pangngai a pek an inhuam a, Real Madrid emaw Saudi Pro League lam atanga sawmtute a hnawl nan thlun ngheh an duh. (Daily Star)
Manchester City hian transfer inkhar ni khan Crystal Palace forward Eberechi Eze chu Pound maktaduai 60 in lei an tum a, mahse Eagles in Pound maktaduai 80 an beisei angin kum 25 mi England international hi an chelh. (Sunday Mirror)
Liverpool manager Jurgen Klopp chuan an club in Al-Ittihad atanga Pound maktaduai 200 vela Egypt forward Mohamed Salah lei dilna an dawn chuan an hnar a beisei a, kum 31 mi hi chelh zui zel a duh. (Sunday Mirror)
Juventus chuan an club a player engemaw zat contract thar ziahpui an duh a, heng zingah hian tun nipui a Premier League lam nena sawizawm kum 23 mi Serbia striker Dusan Vlahovic pawh a tel. (Gazzetta dello Sport)
Juventus midfielder Paul Pogba chu Saudi Pro League club Al-Ahli leh Al-Ittihad ten an bitum mek a, kum 30 mi France international hi Saudi lam transfer window a la inhawn avangin insawn thei a la ni. (Gazzetta dello Sport)
Galatasaray chuan Manchester United nen Netherlands midfielder Donny van de Beek lalut turin inbiakna an la nei a, kum 26 mi hi transfer inkhar ni khan Pound maktaduai 1 a loan a hawh an dilna chu hnawl a ni. (Daily Mail)
Turkish club hian Tottenham leh Denmark midfielder Pierre-Emile Hojbjerg, 28, pawh an la ngaihven a, Turkey ah transfer window hi hawn a la ni. (Ajansspor)
Atletico Madrid leh Belgium midfielder Yannick Carrasco, 29, chuan Euro maktaduai 15 a Al-Shabab zawm turin Saudi Arabia a pan dawn. (Fabrizio Romano)