Argentine model leh actor lar Silviina LUna chu kum 43 mi niin Buenos Aires Damdawi In ah a boral. Palstic surgery a neih hnu-a kal (kidney) that loh vang nia hriat a ni.
Report tarlan danin, Silvina hian ni 79 liamta atang tawh khan Damdawi In ah a awm tawh a, 2011 kuma buttock surgery a neih hnu-ah insawiselna chi hrang hrang nei chho in, nawm tak tak a nei ngai lova, dam that hmel deuh si a langin chhungrilah harsatna leh mi hriat loh thil tam takah buaina a tawk.
Kum 2021 khan plastiy surgery kaihhnawih vanga a hnu-a thi ta buaipuitu surgeon pakhat hnenah cosmetic surgery a lo ti hman bawk a, he surgeon hian a taksaah polymethylmethacrylate telna a chiu lut. He damdawi hi Argentina rama National Admistration of Drugs, Food and Medical Technology-i’n hman a khap tlat a ni nghe nghe.
Kum 2015 khan Silvina hi Kal-a lungte awm vangin a talbuai viau hman a, mahse vanneihthlak takin enkawl dam a ni a. Hemi hnu hian insawiselna neuh neuh a nei zui ta zel tho a, a tawpah chuan Kal thlak ngai hian dinhmunah dingin, harsa takin an thlaksak.
Tun tuma Damdawi In-a a awm chhung zawng hian a tha chak lo hle a, hniam lam a pan zel vang leh damchhuak dawn chuang lova a lan vangin a unaupa chuan Doctor hnenah enkawl chhunzawm tawh lo mai turin remtina a pe nia hriat a ni.
Vanduaithlak takin, Silvina thih hma karhnihna ah khan TV host lar Mariona CAparola chu he doctor/surgeon vek enkawlna hnuaiah butt surgery a neih chu thatpui lovin a lo thi tawh bawk.