Real Madrid tan midfielder manto Jude Bellingham bawk an hnehna channa a ni a, huntawp danwah goal khungin Getafe lakah 2-1 in an chak.
Inrinni zanah Real Madrid hian an stadium Santiago Bernabéu chei that a nih hnuah a vawikhatna atan an hmang a. Si phur hmasa zawk ni hma hle in huntawp dawnah chauh result an thlak danglam.
Striker Borja Mayoral chuan minute 11-naah Getafe tan goal a khung a, Real defender Fran García chetsual zarah mikhual team in goal an khung a, an goalkeeper David Soria chuan save tha vawi engemaw zat siamin a team hmahruaina a chhanhim.
Second half tan hnu lawkah halftime dawna goal khung teuh Joselu chuan an si phurh a sut a. Real Madrid goal nawr a na tulh tulh.
Rodrygo-a’n uihawm taka huntha a hlah nual hnuah huntawp dawnah La Liga top scorer ni lai Bellingham-a’n tun season a a goal nga nga a khung.
England midfielder hian league match vawi li khel tawhin Real Madrid tan goal 5 leh assist vawi 1 a nei tawh.