Inter Milan tan striker Marcus Thuram leh Lautaro Martinez te an tal hnawksak hle a. Fiorentina lakah an pahnih hian an team in goal li an khungah an inrawlh vek a, 4-0 in an chak.
San Siro a Pathianni zan inkhelah Inter in duhthusam a season thar bul an tan an chhunzawm a, match thumah vawi thum an chakna niin goal an la chhuak miah lo.
Federico Dimarco ball cross atangin minute 23-naah Marcus Thuram-a’n a team thar tana a goal hmasa ber a khung a. Goal hnihna a khung zui teuh.
Lautaro Martínez chuan second half-ah minhute 53-na leh 73-naah goal khungin hemi inkarah hian Thuram chuan penalty a hlawhchhuak a, hei hi Hakan Calhanoglu chuan goal-ah a khung.
Inkhel dangah Juventus in Empoli lakah chance an hloh nual hnuah Danilo leh Federico Chiesa hmanga goal khungin 2-0 in hnehna an chang.