Aizawl : Mizoram State AIDS Control Society (MSACS) leh District AIDS Prevention & Control Committee (D- APCC) tangkawpin ni- min khan Electric Veng Community Hall, Hna- hthial-ah Red Ribbon District Level Quiz Co- mpetition an buatsaih a, Govt High School, Hna- hthial pakhatna an ni.
He hun hmanpuitu Hnahthial Bawrhsap Chuauhnuna’n Zirtirtute ni puala District Level Quiz Competition buatsaih a ni chu lawmawm a tih thu a sawi a. Mizoramah leh a bikin Hnahthialah HIV hrik kai an tam ta lutuk chu runthlak a tih thu sawi- in, a do kawngah mitin tanrual a tul thu a sawi.
Zirlai leh thalaite hnena HIV hlauhawm zia leh ram a tihchhiat nasat thu hrilhhriat ka- wngah nasa lehzuala tanlak tul a tih thu pawh Hnahthial Bawrhsap ch- uan a sawi a. Khawvel ram hausa leh changka- ngte chu mihring quality, nundan zemawi leh thiamna tak tak ngai pawimawh ram leh mihring thiamna tihmasawn tura hma la nasa an nih thu sawiin, zirna leh hriselna ngaipawimawh zual zel turin kalkhawmte chu a chah.
India ramin hmabak eng tak a neih chhan chu hnathawk thei thalai rual (working age) a ngah chu nia sawiin, thalaite hnathawk theilo tura hnungkhirhtu ze thalo leh hrisello te pumpelh zel a nih theih nan tanrual a pawimawh thu a sawi bawk.
He inelnaa a ti tha pathum – Pakhatna – Govt High School, Hnahthial; Pahnihna – FD Higher Secondary School, Hnaht- hial leh Pathumna – Govt Higher Secondary School, Hnahthial te state level-a inelnaah Hnahthial dist ai- awhin an tel leh dawn a ni.