Aizawl : Rs. nuai 600 senga sak Local Administration Depar- tment (LAD) Directorate Building thar, Mizoram New Capital Complex (MINECO) ami chu nimin khan LAD Minister K. Lalrinliana’n a hawng.
LAD Minister chu- an LAD-in Directorate Building tha tak a neih theihna tura thahnemngai tha thawhtute fak- awm a tih thu sawiin, Office building thar chuan ram leh mipui rawngbawl sak kawngah tih takzetna, Pat- hian hre reng chunga thawk tura inpekna thar siam se a duh thu a sawi.
DLAO Aizawl Office pawh Directorate kiang maiah SASCI sum hmanga sak a nih theihna tura hmalak a nih thu LAD Minister chuan a sawi a. Directorate Conference Hall changtlung tak vertical extension hmanga siam tura ruahman a nih thu pawh a sawi.
LAD Minister chu- an LAD-a thawktu ten indaihlohna leh duhkh- awp hmanrua an neih loh te chhuanlam hm- anga lova theihtawp chhuaha mawhphurh- nate an hlen thin chu sawiin, VC hrang hra- ng huam chhunga hm- asawnna ruhrel siam kawnga fund neih ang angte tangkai taka hm- an a ni thin pawh fakawm a tih thu a sawi bawk.
K. Lalrinliana chu- an VC-te enkawl leh zirtirna pek kawngah te, tualchhung inrelbawlna leh hmasawnna ruhrel siam bakah, VC area a cheng ten eizawnna ngelnghet an neih theih nan LAD-in Rashtriya Gram Swa- raj Abhiyan (RGSA) leh hmalak theihna ang angte kaltlangin theihtawp chhuaha hna a thawh thin thu a sawi a. Tun dinhmunah VC 243 te Computer pek an nih tawh thu sawiin, Handloom Design Tr- aining cum Production Centre Thenzawlah ha- wn mai theiha siam a nih thu te, Rural Hom- estay & Agro Tourism Tuipui Darzokaiah si- am a nih thu te, Kolasib District-ah kuhva kawr atanga plate siam- na din a nih thu te, VC House engemawzah siam a nih bakah SIRD nena tangkawpin District-ahte District Panchayat Resource Ce- ntre (DPRC) sak a nih thu te, a la awmlohnaahte pawh sak thuai tum a nih thu te, Training Centre bakah Hostel sak tel tum a nih thu te a sawi,
VC House leh Common Service Centre tam zawk sak tum a nih thu leh LAD Park engemawzah enkawltu dang kuta hlan a nih thu te, Leng khuaah Solar Harvesting Project leh Bairabi-ah Truck Terminal leh Chawlhna Tui Kam siam tura hmachhawp neih a nih thu te pawh LAD Minister chuan a sawi bawk.
Sorkar thuchhuahin a tarlan danin LAD Directorate Building thar hi December ni 15, 2019 a sak tan niin, July 2023 ah an luahlut a. A sak hna chu Zothan Consultancy Services, Luangmual, Aizawl te’n an thawk a ni.