Mizoram sub-junior football team ten inelna an hmachhawn mekah hnehna changin bul an tan ve ve.
Thawhtanni khan Sub Junior Boys’ National Football Championship-ah Mizoram in Maharashtra hmachhawnin bul an tan a, 9-0 in hnehna an chang.
Malda and Berhampore, West Bengal a tournament-ah hian Mizoram tan Isak Lalmalsawma chuan goal nga a khung a, Malsawmkima’n goal hnih khungin R. Vanlaltanpuia leh Vanlalmuana ten goal khat ve ve an khung.
Hero Sub Junior Girls’s National Football Championship-ah Mizoram hmeichhe team in Uttarakhan chu 13-2 in an hneh.
Amritsar, Punjab a inkhelah hian Lallawmzuali chuan goal riat a khung a, Vanlalmawipuii’n goal hnih khungin captain H. Lalremruati, Remruatkimi leh Thuamdinpuii ten goal khat theuh an khung.
Thawhlehni khan Hero Junior Boys’ National Football Championship for Dr. BC Roy Trophy ah Mizoram in an match hmasa ber an khel a, 5-2 in Jharkhand lakah an tlawm.
Mizoram tan hian Eddie Lalhmangaihzuala leh Lalrinfela Ralte ten goal an khung.