Film hlawhtling ‘Barbie’ chu kumin 2023 chhuinga sum lalut hnem ber ni turin Super Mario Bros film hlawhchhuahzat a khum chiang hle.
Pink fantasay-in khawvel a tuamchuahna ‘Barbie’ hi tun thleng hian khawvelpumah $Billion 1.38 chuang a lalut der tawh mai a, $Billion 1.36 lalut tawh Super Mario Bros film a tlansan ta vang vang mai le.
Barbie hi lemchan khawvelah a thawh hlawk hle a, hripuiin mihring a nuai hnu lama US summer box office-in $Billion 4 a hmuhchhuah lehna hmasa ber niin, hripui len hnu-a lawmna leh beiseina tam tak thlentu a ni nghal.
MIthiamte chuan heti ang renga film hlawhtling leh sum hmuchhuak hnem hi a awm leh pawh an ring pha meuh tawh lova, chutih laia Barbie leh Oppenheimer te an rawn dingchhuak a, a barakhaih takzet a ni.
Film industry-a chhut mite chuan Super Mario Bros film hi kumin 2023 a film hlawhtling ber tura an lo ngai nghet fel hmiah tawh nghe nghe a, amahwerawhchu Barbie hian an hrilhhlawkna dik lohzia leh fuh tawk lohzia a rawna nemnghet nawn leh a ni ber mai.
Kumin 2023 kal meka film hlawhtling ber te chu Barbie – $1.38bn, The Super Mario Bros Movie – $1.36bn, Oppenheimer – $853m, Guardians of the Galaxy Vol 3 – $846m leh Fast X – $705m te an ni.