Aizawl : State Election Commission-in Mara Autonomous District Council huam chhunga Siaha East-I MDC biala by-election neih hun atan September ni 29, 2023 a ruat.
Siaha East-I bialtu MDC a boral avangin a hmun ruak hnawhkhah- na turin by-election hi buatsaih a ni dawn a. He inthlana chuh tum te tan September ni 12, 2023 tlai dar 3 thleng hun hawn a ni a, September ni 12, 2023-ah hming pekluh te chu endik tur niin, inhnukdawk leh duh te tan September ni 14, 2023 thleng inhnuhdawh theihna hun hawn a ni ang.
Engemaw avanga vote thlak that a tul a nih chuan vote thlak that ni atan September ni 30, 2023 ruat a ni a, October ni 3, 2023-ah vote tla te chhiar a ni ang. October ni 5, 2023-ah chuan he inthlan leh a kaihhnawih tul zawng zawng tihfel vek tawh tura ruahman a ni.
He inthlana hman tur electoral roll, August ni 30, 2023-a tihchhuaha a lan danin Siaha East-I bial-ah hian vote nei mi 2844 an awm a, heng zinga mi 1307 chu mipa niin, hmeichhe voter 1537 an ni.