Danish goalkeeper Kasper Schmeichel chuan Belgian club RSC Anderlecht a pan a, an hnenah kum khat contract a ziak.
Kum 36 mi hi kar hmasa khan French club Nice chuan a contract titawp turin inbiakremna an nei a, transfer window inhawn lai a chhuahtir a nih avangin a club duh chu transfer window inkhar mahse a zawm thei.
Season liamta khan Schmeichel hian Nice tan inelna hrang hrangah vawi 46 a inkhel a, Leicester City atang free transfer in club a zawm. France a pan tirhin beisei angin khel lo mahse season tawp a khar tha a, a team chhanhimtu nihna inkhel a nei fo.
Tun nipuiah Nice hian Paris Saint-Germain atangin kum 23 mi Marcin Bulka an lalut a, Nice in an first choice goalkeeper ni turin an ring nghal. Hei vang hian no. 2 goalkeeper hlawh hnem tak neih an duh loh avangin Schmeichel hi an chhuahtir ta a ni.
Schmeichel chuan, “Jesper leh Brian te nen inbiakna kan neih hnuah he team-ah hian thil beiseiawm tak din an tum tih ka hria a, hei hian min ti phur hle. Anderlecht hi club lian tak an ni a, ka teammate hlui hmun hrang hrang amiten he club nawmzia hi an sawi ka hre fo thin. Hei vang hian anni zawm duh hi ka ni.” tiin a sawi.
Anderlecht CEO Sports Jesper Fredberg chuan, “Kan squad-ah kan lungawi sa viau a, mahse goalkeeper tawnrhiat nei tha tawh tak lakluh theihna remchang a awm kha kan bawhpelh thei lo a ni.” a ti.
Denmark tana vawi 93 inkhel tawh Schmeichel hian a hun tam ber hmanna Leicester City tan vawi 479 a inkhel tawh a, Premier League title leh FA Cup vawi khat Foxes tana a khelh chhungin a la hman.