Aizawl: Students’ Self-Support Union (SSU), General Headquarters chuan nimin khan zirlai mahni intodelhte hnena Award an pek thin, ‘Self-Support Award’ chu mi pathum hnenah an hlan.
Tun tuma SSU-in ‘Self Support Award’ an hlante hi Lalchamzuali, Ngopa; Lalhmachhuani, Zuangtui, Aizawl leh Lalhmangaihsanga, Bairabi te an ni a. Award hian pawisa fai Rs 20,000 leh citation bakah lehkhabu a keng tel a ni.
Ignite Studio, Khatla-a award hlanna inkhawmah khuallian, Rajya Sabha member K Vanlalvena chuan zirna atana mahni intodelh pawimawhzia te, amah ngei pawh college kal laia mi in luaha mahni inchawm thin a nih thu a sawi bakah, SSU hmalakna a ngaih pawimawh thu te, ngaihsan tur dik thalaiten ngaihsan a pawimawhzia te a sawi a. Mi tupawh mai hian an thinlunga an tum tak tak chuan tih theih loh tak tak a awm loh thu a sawi a. Zirlai harsa tak leh mahni inchawm chawpa lehkha zirte hian hlawhtlinna rahbi pawimawh kan rah thu a sawi bawk.
He hunah hian khualtha John Lalpeka, CEO, 3:16 Plan Solution leh SSU President Darhmingliana te pawhin thu an sawi a ni.