France ram chhim lam, Marseille khawpuia in pahnih chimah mi 8 vel an thi a, chhanchhuah hna thawktuten nimin tlai khan ruang pakhat an phawrh tawh.
Mediterranean tuipui kama lawngchawlhna khawpuia in pahnih hi an ram sanaa Thawhtanni tuk khan a chim a, chhanchhuah hna thawktute chuan zanah pawh chawl lovin hna an thawk reng chungin senghawi a harsa hle.
Interior Minister Christophe Castaner chuan mi 5-8 vel an chin an la hre thei lo tih an sawi a, in pahnihah hian mi 5 an cheng a, inleng mi 3 an nei bawk niin an hria a ni.
Castaner chuan a hmunah awm chilhin, “A pawimawh ber chu nunna chhanhim a ni,” a ti a. “Kan hai tawh chinah boruak luhna a awm zel a, hei hian dama lak chhuak theih an awm beiseina min siam hle,” a ti bawk.
Nimin khan mi pakhat chu an la chhuak thei bawk.