Kum 2010 tir lama Bollywood actor beiseiawm ber pawla sawi thin leh hmeichhiat te star rawn ni thin Imran Khan chuan hun rei tak mental health lama harsatna namen lo a neih thu a sawi rualin, mahni intihnat (self harm) te thlenga tihhrehawm a awm thu Instagram kaltlangin a tarlang.
A vanglaia actor chung en hlawh pha leh mithar zingah pawh langsar ber pawl ni chho ta hian 2015 khan ‘Katti Batti’ film a flop pui hnu-ah a reh nghal hmiah a, hemi hma lam pawh hian a film thahnem tak chu box office lamah a chetchhiatpui chho malh malh pawh a, 2015 hnu lam atang chuan a hmel leh chevel hi a phe zeuh pawh hmuh tur a awm tawh meuh lo.
Tunhma ang lo takin mental health chungchanga hun harsa leh khirh tak a tawnbuak thu hi tlang hriatah a puangzar ta chu a ni a, instagram lamah comment a tam viau. Mahni intihnat lam t hil thlenga a tarlan vangin a thu post sei angreng tak hian chhiar a hlawh viau tho bawk.