AIZAWL: Mizoram Govt. Lumpsum Aided Higher Secondary School Association (MIGLAHSSA) chuan vawiin atangin sikul an hawng tan leh dawn.
August 29, 2023 atanga MIGLAHSSA chuan Adhoc-a hlankai phutin sikul an khar tan a, ni sarih zet sikul an khar hnuah 2008 Lumpsum HSS pakuaa Managing Board Chairman-te chuan, Thawhlehni tlai khan Chief Minister Zoramthanga an hmu a. An inkawmnaah hian Board Chairman-te hian khawtlangin sikul an hahpui rei tawhzia leh sorkar intiamna anga tihhlawhtlin a nih loh chuan inthlan dawna hmalak harsat dan tur te, Adhoc grant-in-aid an mamawhzia te an thlen a ni.
Chief minister pawhin school upgradation chungchangah tun dinhmunah thu chiang engmah a la awm loh thu leh Cabinet-in a la ngaihtuah tur anih thu Managing Board Chairman-te hrilhin, an sikul khar mek pawh hawng turin a lo ngen a. Chief Minister ngenna an sawi ho hnuah Managing Board Chairman leh MIGLAHSSA hruaitute chuan Cabinet thutlukna ngaichang chungin bawiin atangin Higher Secondary School pakuate chu hawn leh phawt ni se an ti a ni.