AZL: Mamit DIPRO thar, Dr. Saithantluangi Zote leh MJA Mamit district chu nimin khan inkawmin thawhhona tura rawtna leh hmachhawp an sawi ho.
Mamit DIPRO office chamber-a an inkawmnaah Dr Saithantluangi Zote chuan sorkar ruahman anga Mamit district IPRO tura awm thar a nih angin district MJA nena thawhhona tha tak hnuaia hna thawh a inbeisei thu a sawi a. Mamit chu aspirational district a nihna kawngah hmasawnna atan theih tawk theuha tan la thar tur leh inlungrualna tha nena ram leh hnam tana thawk tlang zel turin MJA member te a sawm.
MJA member-te pawhin sorkar thu puanchhuah kawngah pawh thawhhona tha tak hnuaiah kal tlan a tul thu an sawi a. Department chungah rinna leh beiseina an neih san thu an sawi bawk.