American tleirawl Coco Gauff chuan a chetthat a chhunzawm a, kumin US Open-ah champion tura rin hlawh belh zel turin a vawikhatna atan semi-final a khel dawn.
Kum 19 mi Gauff hian Jelena Ostapenko chu Thawhlehni zan quarter-final inkhelah a hneh a. Minute 67 chhungin 6-0 6-2 in Latvian 20th seed Ostapenko hi a hneh. Tun tum hi Flushing Mewdows a a la chetthat tluan ber tum a ni a. Final luh inchuhin French Open runner-up Karolina Muchova nen an inkhel leh ang.
- Gauff a danglam
Hnehna a chan leh chuan Gauff hian a professional tennis khelh chhunga a tum hnih nan Grand Slam final a khel dawn a, nikum French Open-ah final a lut tawh.
Tun tum US Open-ah erawh Gauff hian hma a sawn tih chiang takin a lang a. Kum naupangte in hmabak eng tak a nei tih lang chiang mahse kumin hard court season-ah a theihna a tak ramah a chang mek zel tih a lang.
WTA Tour-ah Washington leh Cincinnati-ah te a champion tawh.
Kumin Wimbledon-ah first round ah a tlak nghal hnuah coach thar Pere Riba leh a thawhpui Brad Gilbert hnuaiah hma a sawn hle a. Wimbledon hnuah hian match 17 khelin vawi 16 a chak tawh.
“Grand Slam hmasa lama ka harsatna ni thin chu rilru lamah ka chau tawngkhawng lutuk thin a, ka tlin thin lo. Tunah chuan taksa leh rilru ah ka harhvang tha hle a, hei hi ka tawnhriat neih belh zelin a ken tel ve niin ka hria.” tiin Gauff chuan a sawi.
A khingpui tur seeded number 10 Czech player Muchova pawh tun US Open-ah la che tha chhunzawm zelin Sorana Cirstea chu 6-0 6-3 in a hneh a, a vawikhatna atan semi-final a lut.
Inhliam avanga hun engemaw chen a chawlh hnuah Muchova hian nikum atangin WTA Tour-ah a inkhel ngawrh chho leh a, top 10 rankings-ah a awm leh mek.