Mizoram DGP Anil Shukla-a’n nimin khan Saitual tla- whin, Police-te hnath- awh dan a enfiahin, an hmalakna lawmawm a tih thu a sawi a. An hnathawh tha te chhunzawm zel turin a chah a. Thuthar lakhawmtute a kawm bawk.
DGP chuan ruihhlo tawlhruk leh hman sual do kawnga Police ten chak zawka hma an lak theihna turin District tin te tlawh chhuah a tum thu a sawi a. Inthlanpui lo awm tur atana district Police te inbuatsaihna enfiah leh District Police te kalphung leh hmanruate endik leh an mamawh hriatchian te a tum thu a sawi.
Saitual Police Station leh Saitual SP office pawh tlawhin, an hmanraw neih leh an hnathawh dan te a enfiah a. Saitual police ten an harsatna leh mamawh an lo thlenah te hmalakpui a tum thu DGP chuan a sawi.
DGP chuan duty leh discipline pawimawhzia sawiin “Police chu invawng tak a ni tur a ni,” a ti.
Mizoramah Police tam tak an service laia an thi thin chu pawi a tih thu DGP chuan sawiin, Police te chu an hriselna ngaipawimawh hle turin a chah a. SP hnenah thawktute tan medical check-up ruahman turin a hrilh bawk.
DGP chuan Police te chu ruihhlo do ka- wngah theihtawpa hma la turin a chah a, lirthei accident a tlem na turin road safety chungcha- ngah hmalakna khauh tak neih a tul thu a sawi bawk a ni.