India-in ni zir chiang tura a tirh chhuah thlalem hian a zir chianna tur hmanrua, scientific instrument pasarih a phur tel a. Heng hmanraw hmang hian solar corona (a tuamtu boruak pawnlang ber); photosphere (ni leilung, khawvel atanga mihringin an hmuh thin ang thenkhat) leh chromosphere (photosphere leh corona inkara plasma pan tak awm) an zir chiang dawn a ni.
He zir chianna hi a hlawhtling thei a nih chuan scientist-ten ni chet vel dan an hre thiam dawn a, ni thli leh a mei alh dinhmun te, khawvel leh a bulhnaia a hun lai la laia nghawng a neih dan te pawh an hre thiam thei dawn a ni.
Scientist-te chuan Aditya hmang hian he arsi hi mihring nun tan eng ang chiaha pawimawh leh ang tiat chiahin nge a innghah tih an hriat belh thei dawn bawk niin an sawi.
Aditya-L1 hi an hlawhtlinpui a nih chuan India hi ram tlem te, ni zir chiang thei zingah a tel dawn tihna a ni bawk.
US space agency Nasa chuan kum 1960 chho atang khan ni hi an lo thlithlai reng tawh a; Japan pawhin kum 1981 khan ni meialh zir chiangtu tur an lo kap chhuak tawh a, European Space Agency (ESA) pawhin kum 1990 chho atang khan ni hi an lo zir chiang tawh bawk.
February, 2020 khan Nasa leh ESA hian tangrualin Solar Orbiter an kap chhuak a, hei hi hnai deuh zawka kala ni an zir theihna tur niin thil pawimawhte hrilh theitu tura an tih a ni a. Scientist-te chuan a tha insiam dan leh a awm dan hriat theihna kawngah a pui dawn niin an sawi bawk.
Kum 2021 khan Nasa hian an boruak lawng thar ber, Parker Solar Probe hmangin ni tuamtu boruak pawnlang ber, corona thlawk tlang hmasa ber an lo ni tawh bawk.