Aizawl : Reiek Block Development Officer Pi- sa, Rs. nuai 161.64 senga sak chu nimin khan Rural Development Minister Lalruatkima’n a hawng.
RD Minister chuan hri leng karah RD department thawktute leh khawtlang hruaitute thawhhona zarah BDO office building thar pali leh Project Director office pathum an hawn theih avanga lawmawm a tih thu a sawi a. Reiek chu khualzin mite tlawh atana hmun tha a nih angin khawtlang mipui inbuatsaihna pawh a tha hle nia sawiin, self help group hmangin kawng hrang hrangin eizawnna lamah hmasawnna a awm theih ngei a beisei thu a sawi.
Lalruatkima chuan RD department-in Mizoram mipui za-a 80 vel an enkawl mek nia sawiin, sorkar term kal mek chh- ungin ni 100 inhlawhna pawh ni za an la thawh tir zel thei niin a sawi a. Ni 100 inhlawhna-ah Mizoram chu a thawh that avangin Central atangin duhsak bik an hlawh niin a sawi bawk.
Thalaite dinchhuahna turin self help group kaltlangin MzSRLM hmala- kna kalpui mek a nih thu pawh sawiin, RD Minister chuan thalai tumruh, tai- ma leh teirei peih ten hla- whtlinna an chang mek zel niin a sawi a. “Mizote chu kutthemthiam tak kan ni tih hre reng ila, chu kan themthiamna chuan eizawnna remchang min sia- msak zel a ni” a ti.
Mipui inpekna leh tha- whhona zarah a departm- ent enkawlah hlawhtlinna an chang thei chu lawma- wm a tih thu RD Minister chuan a sawi bawk a ni.