Rishi Sunak-a chuan Zirtawpni khan G20 Summit-a tel turin Delhi a thleng ta a, khawvel ram lian 19 leh European Union hruaituten intawhkhawmah a tel ang.
Sunak-a hi Indian chhul chhuak British prime minister zinga a chhuahna tlawh hmasa ber a ni.
No 10 chuan a tlawh hian ‘ram pahniha lei nung indawh chak tak a hriat thartir leh’ tiin a sawi.
Sunak-a hi a nupui, Akshata Murty-i’n a tawiawm a, ani hi India-a piang leh sei lian niin India-a mi hausa ber zinga mi fanu a ni nghe nghe.
G20 hi ram leh ram inkara thil pawimawh tak a ni a. A tel ramte hi eibarah an lian tih lovah chuan inanna an nei tam lem lo.
An inan loh tlanna hi tangruala khawvel eibar nawr kal leh nghawng thei an nihna chhan erawh a ni thung.
G20 hi kum zabi 21-naa piang niin kum 1999-a pbul tan chauh kha niin kum 2008-a khawvel pum sum leh pai tlakhniam hnuah khan a thangduang ta chauh bawk.
Summit-a tel tura a zin kawngah Sunak-a chuan India-a a kir leh tur chu ‘a phur tak zet’ tih a sawi a, ‘ka tan chuan ka hnaih tak ram leh duh tak ram a ni’ tiin a sawi bawk.
“A special a, hmun thenkhatah chuan India makpa tia sawina pawh ka hre thin a, chu chuan hnaihna min siam a ni,” a ti.