Aizawl: Higher Secondary School Lecturers Association of Mizoram (HISSLAM) chuan nimin khan Beraw Tourist Multipurpose Hall-ah General Conference an hmang.
HISSLAM inkhawmpui chawhma hunah an member boralte sunna leh tunhnaia pension-a chhuakte thlahna hun an hmang a, khuallian Education Director Lalsangliana chuan thu sawiin, zirtirtute chu an mahni hna theuhah rinawm tak leh phur taka thawk tura fuihin, zirtirtute chuan nuam ti tak leh chak taka lehkha an zir theihna turin School naupangte an kaihruai thiam tur a nih thu a sawi.
Chawhnu hunah rorel inkhawm an nei a, resolution pahnih siamin, lecturer selection Grade Pay hi Principal Entry Pay nên in ang tura hmalâk thar ni leh rawh se tih leh The Mizoram State Government Employees (PAR) Rules 2010 hi a nih ang hian kalpui ni rawh se tih-te an pass.
HISSLAM inkhawmpuiah hian NEP chungchâng zirhona an neih bakah an pawl hruaitu thar tur an thlang bawk a ni.