Aizawl: Congress Treasurer Dr. Lalmalsawma Nghaka chuan MNF sorkarah lal chhungkua leh an khawnbawlte tan lo chuan tah leh ha thialnaah a chang mek tih a sawi.
He thu hi nimina Congress Bhavan-a Friday Political Session an neihnaah a sawi a, “MNF sorkar hnuaiah record tam tak a chhe zawngin kan siam mek zel a, tum khata ruihhlo man hal tam ber record te, nungcha dân phal loh man hnemna ber state te, GSDP atanga teha leiba ngah ber state te min nihpui mek a ni,” a ti.
Dr Mala chuan MNF sorkar hnuaiah hian sumdawngte an beidawng a, chawhmeh zuarte pawh an beidawng tih sawiin, “Sorkar hnathawkte pawh a hun taka hlawh an lak theih loh avangin an beidawng mek,” a ti a; MNF mi leh sa ngeite pawh bill lak theih loh vangte-in an beidawng mek tho tih a sawi.
Mizoramin hruaitu tha, zuitlak a zawng mek tih sawiin, “Hruaitu chu kan nei, Pathian pawhin a hruai duh. Mahse, Pathian hruai theih an nih a ngai,” tia sawiin, Mizoram rum tlawk tlawk chu chhanchhuak turin Congress-in hruaitu tha a nei tih a sawi bawk a ni.