Aizawl : Mizoram sorkar EF&CC department hnuaia Champhai Forest division-a Nature learning cenre (NLC) kalpui chhoh mek hnuaia hmalakna pakhat – Nature learning tour-a Sikkim tlawh mek Champhai district MJA member ten nimin khan Sikkim Himalayan Zoological Park, GB Pant National Institute of Himalayan Environment & Sustainable Development leh Fambonglho Wildlife Sanctuary-te an tlawh.
Sikkim Himalayan Zoological Park-ah Director Sangay G. Bhu- tia leh DFO Shivani Pradhan ten tour member te lo dawngsawngin, Himalayan Zoolo- gical Park chu kum 1997 a din, India rama Sahuan zau ber te zin- ga mi, hectare 230 a zau, hmun sang taka awm a nih thu te an lo hrilh a. Ramsa chi 17 leh Sava chi hrang hrang an kawl mek thu an sawi.
Ramsa an neih dan leh enkawl dan te bak- ah Sikkim saorkara Environment, Forest & Climate Change department hmalakna th- enkhat te pawh lo hrilhin, Gangtok ang tho- va hmun sang taka awm Champhaia Satellite Wildlife Rescue Centre dinna tura pawimawh leh tul ang te an sawiho bawk.
GB Pant National Institute of Himalayan Environment & Sustainable Development, Sikkim Regional Centre-ah Scientist Dr. Sa- ndeep Rawat leh a tha- whpui ten lo dawngsawng ve thungin, Acre 17 a zaua Hima- layan tlang leh a chhehvela nungcha hrang hrang lakkhawma zir- chianga, humhalha, tih- pun leh sum chang thei tura an hmalak dan te an lo hrilhfiah a. Lei- lung hausakna humh- alh leh hman tangkai kawnga an hmalaknate leh tul leh pawimawh dangte an hrilhfiah.
Kum 1984 a din square kilometre 51.76 a zau Fambonglho Wi- ldlife Sanctuary-ah Bl- ock Officer N. Lepcha leh a thawhpui ten lo dawngsawng ve leh in an hmalak dan te an lo hrilhfiah ve leh bawk.