Bayern Munich striker Harry Kane-a’n a team thar tan a an lakluh chhan ber chu ti chhunzawm zelin hattrick a siam a. VfL Bochum lakah 7-0 in hnehna an chang.
Allianz Arena a inkhelah Kane hian minute 12-na, 54-na leh 88-naah goal a khung a. Bundesliga a match hmasa panga atanga goal khung hnem ber record siamin goal sarih a khung tawh.
Bayern tan hian Eric Maxim Choupo-Moting, Matthijs de Ligt, Leroy Sané leh Mathys Tel ten goal dang an khung.
Inkhel dangah Borussia Dortmund in VfL Wolfsburg lakah 1-0 in hnehna an chang a. Signal Iduna Park a inkhel inhnehtawk takah Dortmund forward Marco Reus chuan an chakna goal a khung.
Inkhel nghahhlelh dangah RB Leipzig in Borussia Monchengladbach chu 1-0 in an hneh a. Timo Werner chuan goal a khung.
Season bul tan tha VfB Stuttgart in Zirtawp zanah 3-1 in SV Darmstadt 98 an hneh a, Serhou Guirassy chuan goal hnih a khung.