Action nena thuam, milar tak tak channa ni bawk, ‘Expandables 4’ film chuan beisei a pha lova, tlangzarh ni-ah $750,000 vel lek an hmuh vangin hmabak a eng lo nghal hle.
Heti ang hi a nih vangin Lionstage leh Millennium kutchhuak film hian beidawnna zakhua a tawngbaw dawn nin a lang ta a, $Maktaduai 100 chuangzeta siam leh budget hautak bawk hi tlangzarh ni karhmasa ningani khan $Maktaduai 15 atanga $Maktaduai 17 vel tal lalut tura beisei a nih laiin, a tak ramah erawh dollar maktaduai khat em pawh a hmuchhuak zo ta si lo. Tunkar chho ah a chetthat a ngai hle dawn tihna a ni.
Icon star langsar Sylvester Stallone leh Jason Statham te intawhlehna ah hian fan ho duhrawn Dolph Lungren leh Randy Couture te chuan ‘Expendables 4’ film hi an mawi leh na a, action pui tak taka thuam a ni chunga a khuh hawnna a fuh tawk lo leh beisei bo lek leka an chhuah ta mai hi action fan te tan chuan a hrilhhai thlak angreng hle.
Expendable hi installment pathum angin- 2010, 2012 leh 2014 te khan tihchhuah a lo ni tawh a, tun ami hi kum sawm liamzet hnu-ah lemchan khawvel a rawn dailut ve ta hich a, film pathum sum lakluh belhkhawm kha $maktaduai 800 vel niin, thil lawmtak tak a ni a tih theih awm e.
Chutih rualin, ‘Expandables 4’ film thar erawhin beisei a phak loh chhoh mai hlauhthawnna a lian hle. Star langsar leh liantham tak tak inlanna a nih vang maia hlawhtlinna hmu lem lova, thamral ta film thahnem tak a lo awm tawh a, chuti anga a nih ve erawh fan te’n an phal lo thung.
Engpawhnise, Sylvester Stallone kaihhruaiina hnuaia kalpui Expendables franchise hian engti ang takin nge lemchawn khawvel a hmachhawn chhoh zel dawn tih chu hunin a rawn hril thuai ang.