An match hnuhnung pahniha hnehna an chan loh hnuah AC Milan in an khingpuite lakah result tha an nei a, 1-0 in Hellas Verona an hneh.
Inrinni zanah rial a tlak nasat avangin inkhel tihkhawtlai a ni a, San Siro a an inkhelh hnuah erawh Milan in bul an tan that rah an seng.
Rafael Leao chuan minute 8-naah inkhel a goal awmchhun a khung a, Olivier Giroud thawhrah a seng.
Stefano Pioli pawlte hian goal khung belh teuh thei mahse an huntha an chhawr hleithei thin lo.
Inkhel dangah Juventus in Sassuolo an tlawh a, 4-2 in an tlawm haw.
Juve goalkeeper Wojciech Szczesny chu tum hnih chesualin Armand Laurienté leh Andrea Pinamonti te goal khung turah mawh a phur ve ve a. Frederico Gatti own goal Sassuolo in an nei bawk a, Domenico Berardi pawhin goal a khung.