Aizawl : Zirtawpni leh Inrinni khan Durtlang Leitan, YMA hall-ah Central Bureau of Communication, Ministry of Information & Broadcasting, Govt. of India, Aizawl bultumin Photo-Exhibition, POSHAN MAAH, MERI MAATI MERA DESH leh PM VISHWAKARMA thupui a hmangin hun hman a ni a. CBC In-charge Lalginlen Lhouvum chuan programme hman dan leh chhan sawiin mipuite lawmna thu a sawi nghal bawk.
He huna khuallian hi Vanlalhlana, bialtu MLA niin MS Dawngliana, Local Council Chairman, Leitan chu Guest of Honor a ni. Resource person te chu Michael Lalneihtluanga, Consultant (Cb & BCC) leh R. Lalrinkimi Consultant (Nutrition ) te an ni.
Chief Guest Vanlalhlana, Bialtu MLA chuan vawiin a sawrkar laipui programme pawimawh tak Mizoram a kan hmang hi a lawmawm tak zet a. Kan hrisel zawkna tur leh ram leh hnam kan ta a nih hria a humhalh turin leh, kutthemthiamna engkima tun aia system tha zawk Mizoram pawhin kan neih a, changkan lam pan turin kalkhawmte a fuih a ni.
Michael Lalneihtluanga’n naupang a piantirh atanga Nu hnute tui a pawimawhzia leh ei leh in a fimkhur a ngaih thu uar takin a sawi a. R. Lalrinkimi pawhin kan ei leh in leh taksa sawi zawi a ngaih thu leh eichhiat avang a natna awm thei te. Tin, tunlai kan uar em em Shikhar, Cup Noodle leh Frozen Food that loh zia sawiin kan taksa tan a tha lote lakah fihlim turin kalkhawmte a chah bawk a ni. He hun hi Mankhawlkim, OA, CBC in lawmthu sawiin hun a khar a ni.